法言人︳容天佑孖楊梓菁對打獲網民激讚 排練被連環打中：頂到

劇集《法言人》昨晚（9日）一集講到Alice（何依婷 飾）到電影公司簽約時，遭Ada（楊梓菁 飾）設計「軟禁」，目的是按TK（陳少邦 飾）要求，將Alice迷暈後送到Martin（唐嘉麟 飾）手上。 幸好Alice察覺不妥後即秘密通知男友Hogan（丁子朗 飾）及好友Tony仔（容天佑 飾），兩男硬闖電影公司，Tony仔擊倒兩名大漢後，再跟Ada來一場對打，兩幕動作戲獲網民力讚。

同場加映：

法言人丨黃嘉樂唔續約TVB老友勁擔心 婚姻出現「小三」強調最愛老婆

{{hket:ul-video id="8158"}}{{/hket:ul-video}}

{{hket:inline-image name="05101001.jpg"}}{{/hket:inline-image}}

{{hket:inline-image name="05101002.jpg"}}{{/hket:inline-image}}

容天佑從小學習跆拳道及截拳道，曾獲《功夫新星》的第三名，這集可謂勁有發揮，先來場一對二對戰，施展個人腿功打低兩男；之後再跟楊梓菁對打，二人拳來腳往勁精彩，接連兩場動作戲獲網民大讚好睇。據知天佑同楊梓菁為了完美效果，事前接受特訓，天佑有時間就喪做運動谷體能，他說：「呢一場體力少啲都唔掂！嗰時只要唔使開工，我都會去gym room跑步練氣，做重訓練鍛煉肌肉，同埋拉筋慎防拍動作戲時拉傷。如果真係工作好攰冇精力再去做運動時，惟有喺屋企抱住我隻差唔多接近50磅嘅狗仔喺幾層樓梯來回跑，最緊要練番好條氣，順便當抽時間陪吓隻狗。」

法言人丨容天佑兒時跨境上課無阻刻苦練功 望拍劇有用武之地：我好想打【下一頁】

雖然天佑跟楊梓菁對打戲只有分半鐘左右，監製陳志江透露為求拍出最佳效果，天佑足足打足一日才收貨，天佑笑指當日收工後「攰到冇乜胃口」，食得清淡好多。

（↓點擊放大睇圖片↓）

根據《法言人》在官網上載的花絮片段，天佑同楊梓菁排練時連環被打中，二人相當之認真。最初天佑疑似被楊梓菁擊中下巴，嚇得她上前慰問：「有冇打到你下巴？」之後在武指的安排下繼續緊接的動作，楊梓菁出拳打中天佑前臂後，又擔心自己用力過度，上前為他按摩，天佑即man爆話「頂到」；但隨後楊梓菁又對鏡頭合十「耍冧」，說：「後先我打中佢個鼻，佢個鼻會高啲，會靚仔啲，佢會多謝番我。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】